Compilatiecorpus Historisch Nederlands 1.0 (CHN): ambtelijke teksten 1250-1800: amsterdam_1371_1

<begin>
Wi pieter hollant ende Alsteen iacops soen Scepene in Aemstelredamme orconden ende kennen
</begin>
<main>
dat voir ons quamen wiggher claes oeden soens soen ende willam siin broeder ende ghelieden dat si vercoft hebben [enghelbronts] soen een huus ende erue mitter haluer scuere die daer after staet op streckende vanden ye alsoe verre alse enghels erue ghaet voerseit mit eenen ghanc alse lanc alse dit erue voersreuen is wtghaende totten ye toe voer siener gheleghen is tvisschen willam ende bruns soens erue op die een zide ende albert ians soens erue op die ander zide ende si ghauen him daer of eenen vrien eyghendoem ende ghelieder of vol ende al betaelt den lesten penninc mitten eersten voert soe gheloueden si him dit huus ende erue ende halue scure voerseyt te waren iaer ende dach alse men erue ende eyghen scoudich is te waren ende alle oude brieue of te nemen
</main>
<end>
jn orconde desen brieue beseghelt mit onsen seghelen ghegheuen des woensdaghes na sinte katrinen dach int iaer ons heren mccc een ende tseuentich
</end>