Compilatiecorpus Historisch Nederlands 1.0 (CHN): ambtelijke teksten 1250-1800: amsterdam_1371_2

v
Wi siman abbe pieters soen ende heynric moelnaer scepene in aemstelredamme orconden ende kennen
</begin>
<main>
dat voer ons quam jan ende gheliede dat hi vercoft heeft den overmans van tvien ghylden binnen aemstelredamme dat een ghylde van sinte pieter ende dat ander ghylde van sinte nyclaes daer die sniders die sceerres ende die maerslude in hoeren totter ghylden behoef voerseyt een huus ende erue gheleghen in grymmenes op streckende vander haluer strate totter grafte toe tvisschen gat teten soens erue optie een side ende claes moeder soens kinder erue optie ander side ende hi gaf him daer of eenen [vrien] eyghendoem ende ghelieder of vol ende al betaelt den lesten penninc mitten eersten voert soe ghelouede hi him dit huus ende erue voerseit te waren iaer ende dach alsemen erue ende eyghen scoudich is te waren ende alle oude brieue of te nemen
</main>
<end>
jn orconde desen brieue beseghelt mit onsen seghelen ghegheuen des woensdaghes na sinte lucien dach jnt iaer ons heren mccc een ende tseuentich
</end>