Compilatiecorpus Historisch Nederlands 1.0 (CHN): ambtelijke teksten 1250-1800: amsterdam_1389_1

<begin>
Wj Scout Scepene Ende Rade der stede van Aemsterdam maken kenlic allen lieden die dese lettere sullen sien
</begin>
<main>
dat wj om orbaer profijt ende nutscap der armer beghinen in amsterdam Ende oec om alrehande scade last ende hijnder te voerhoeden die namaels ghescien mochten binnen horen houe ende tymmeringhe Consenteert ghesterct ende gheordineert hebben aldustanighen gheset als hier na ghescreuen staet Dat is waer dat enighe beghine die nv si of hier namaels opten beghijnhoue woende husinghe cofte of tymmerde die en soude die husinghe in horen leuen noch hoer erfname na hoerre doet vercoepen noch vervreemden yenighen mensche buten den houe noch binnen ten ware bi oerloue ende consent der ghemeenre beghinen binnen den houe voerscreuen
</main>
<end>
Ende om dat wj willen dat dit stade ende vast ghehouden warde Soe hebben wj desen brief biseghelt mitter stede seghel voerscreuen ghegheuen op sinte marcus dach ewangeliste Int Jaer ons heren m ccc neghen ende Tachtich
</end>