Compilatiecorpus Historisch Nederlands 1.0 (CHN): ambtelijke teksten 1250-1800: amsterdam_1390_3

<begin>
Wj pieter hollants ende jacop ghisebrecht soen scepene in amestelredamme orconden ende kennen
</begin>
<main>
dat vuer ons quam jan dier willem blocs soen ende gheliede scoudich te wesen hubrecht claes soen vier gouden dordrechtse scilde jaerlixe renten die staen zullen tot eenen eeweliken pachte opten huse ende erue daer Jan dier nv ter tiit in woent ende gheleghen js tvisschen coeman willems erue op die een zide ende jan noerts erue op die ander zide te bitalen alle jaere die een helfte tot meye ende die ander helfte tot heyleghemisse voert gheloefden jan dier ende willem vrancken soen mit ghesamenderhant huberde vuerscreuen dat dit huus ende erue vuerghenoemt vry is sonder die ses dordrechtsche scilde die [vechter] heynen soen daer tsiaers op heeft ende jan dier gheloefde willem vrancken soen voert scaedeloos te houden
</main>
<end>
jn orconde desen brieue beseghelt mit onsen seghelen ghegheuen des saterdaechs na sinte agnieten dach jnt jaer ons heren mccc ende tneghentich
</end>