Compilatiecorpus Historisch Nederlands 1.0 (CHN): ambtelijke teksten 1250-1800: amsterdam_1390_4

<begin>
Wj willem reyners soen ende willem willems soen scepene in amestelredamme orconden ende kennen
</begin>
<main>
dat vuer ons quam Jan Ja cops soen die draeyer ende gheliede scoudich te wesen Jan matthiis soen tvie gouden dordrechtsche scilde die men nv ter tiit tot dordrecht maect of ander payment dat alsoe goet js jaerlixe renten die staen zullen tot eenen eeweliken pachte opten huse ende opten erue dat gheleghen js tvisschen bruninc croecs erue opdie een zide ende walich creyts erue dat hi jeghens der stede vuerseyt ghepacht heeft op die ander zide te bitalen alle jaere die een helfte tot heylighe misse ende die ander helfte tot meye vriis ghelts ende sonder eenigherhande ofbrec
</main>
<end>
In orconde desen brieue beseghelt mit onsen seghelen ghegheuen des vridaechs opten achtenden dach van aprille jnt jaer ons heren m ccc ende tneghentich
</end>