Compilatiecorpus Historisch Nederlands 1.0 (CHN): ambtelijke teksten 1250-1800: amsterdam_1390_5

<begin>
Wj Gherit vrederic enghels zoen ende willem reyners zoen Scepene in aemstelredamme orconden ende kennen
</begin>
<main>
dat voer ons quam Gherit pael iacobs zoen ende gheliede dat hi scoudich is Gherit pael heynen zoen enen dordrechtschen gouden scilt of ander payment dat also goet is iaerlixe renten staende toten eweliken pacht op gherit pael iacob zoens erue ende huus dat hi legghende heeft anden burchwal after sinte pieters kercke te betalen alle iare die een helfte te heylighemisse ende die ander helfte te meye
</main>
<end>
jn orconde desen brieue bezeghelt mit onsen zeghelen Ghegheuen des donresdaghes na sinte pancraes dach jnt jaer ons heren mccc ende tneghentich
</end>