Compilatiecorpus Historisch Nederlands 1.0 (CHN): ambtelijke teksten 1250-1800: amsterdam_1390_6

<begin>
Wj Gherit vrederic enghels zoen ende Godeuaert jans zoen Scepene in Aemstelredamme orconden ende kennen
</begin>
<main>
dat voer ons quam Gherit van wermer ende gheliede dat hi scoudich is Gherit Claes zoen van harderwijc achte oude vrancrijcsche scilde goet van goude ende zwaer van ghewichte of ander payment dat also goet is jaerlixe renten staende toten eweliken pacht op een huse ende erue gheleghen alrenaest gherit van wermers steen huse op die noert zide ende meyster nyclaes ludegrims ende vrancke dircs zoens erue op die zuut zide te betalen alle iare dese voerseyde renten te heylighemisse
</main>
<end>
jn orconde desen brieue bezeghelt mit onsen zeghelen Ghegheuen des woensdaghes na sinte martiins dach jnden winter jnt jaer ons heren mccc ende tneghentich
</end>