Compilatiecorpus Historisch Nederlands 1.0 (CHN): ambtelijke teksten 1250-1800: amsterdam_1393_1

<begin>
Wij jacop vandenbarghe ende dirc claes zoen scepene in aemstelredamme orconden ende kennen
</begin>
<main>
dat voir ons quam heynric otten zoen ende gheliede dat hi ghehuurt heeft jeghens jacop ians zoen van nyeueen die helfte vanden huuze ende erue gheleghen op die burchwalle optie kerczide twisken meyster willam willams zoens erue optie een zide ende aernt buersen erfnamen erue optie ander zide streckende vander ouder grafte tot pieter dirx zoens erue toe Totten eweliken pachte jairlixe om enen gueden gouden hollansen scilt ende enen hollansen groeten alze men nu ter tijt slaet jofte payment dat alzo guet is vries ghelts ende zonder enigherhande of brec Te betalen alle iare deze voirscreuen huure tot sinte jacops dach inden zomer
</main>
<end>
jn orconde dezen brieue bezeghelt mit onzen zeghelen ghegheuen drie ende twintich dage jn September jnt jair ons heren duzent driehondert drie ende tneghentich
</end>