Compilatiecorpus Historisch Nederlands 1.0 (CHN): ambtelijke teksten 1250-1800: amsterdam_1421_1

<begin>
Wij Jan symon nessen soen ende Gelijs dirc helmers zoen Scepene In Aemstelredamme Oirconden ende kennen
</begin>
<main>
dat wij wel ghesien hebben ende ouerghelezen twee brieue ganse ende gaue onghecanseleert ende sonder enighe Razuere wel beseghelt mit scepene zegelen van Aemstelredamme sprekende van woirde te woirde ghelijc die ene na den anderen volghende hier na ghescreuen staen

<begin>
Wij Coppe willems soen ende Dirc heynrix zoen scepene in Aemstelredamme oirconden ende kennen
</begin>
<main>
dat voir ons quam willem gherijt wigghers soen ende gheliede dat hi ghehuert heeft jeghens meyster willem willems zoen een hofstede ghelegen in gansoirde twisschen zegram oemtgins soens erue optie ene zide ende Andries rechtwts zoens erue optie ander side streckende van der straten totter aemstel toe totten eweliken pachte Jairlixe om een pont hollants an comans ghelde vries ghelts ende sonder enigherhande afbrec Te betalen alle iare dese voirseyde renten die ene helfte tot heyligemisse ende die ander helfte tot meye
</main>
</end>