Compilatiecorpus Historisch Nederlands 1.0 (CHN): ambtelijke teksten 1250-1800: amsterdam_1453_1

<begin>
Wij korstgijn jacobs zoen ende jan beren zoen scepene in Amstelredamme oirconden ende kennen
</begin>
<main>
dat voir ons quam herman heinricx zoen die snyder ende geliede dat hij gepacht heeft tegens heinric claes zoen een huys ende erue gelegen in sinte jans strate dair naist b[ii] geerft sijn albert otten zoen an die oestzijde ende heinric claes zoen voirnoemt an die westzijde in allen schijn alst dair van outs gelegen is Totten eweliken pachte jairlixe om drie guede goudene gwilhelmus hollantse scilde lest tdordrecht geslegen [jo]f payment also goet Te betalen dese voirseyde pachte alle jare die ene helfte tot meye ende die ander helfte tot heiligemisse vryes gelts ende sonder enich afbrec Ende mids dese voirseyde pachte so sal tvoirseyde huys ende erue vry wesen van allen anderen ouden brieuen pachte ende renten die dair vp staen mogen
</begin>
<main>
jn oirconde desen brieue besegelt mit onsen segelen gegeuen vpten derden dach in mairte jnt iare ons heren dusent vierhondert drie ende vijftich
</end>