Compilatiecorpus Historisch Nederlands 1.0 (CHN): ambtelijke teksten 1250-1800: amsterdam_1454_2

<begin>
Wij amelijs andries zoen ende rembout andries zoen scepene in Amstelredamme oirconden ende kennen
</begin>
<main>
dat voir ons quamen die bewares vanden zieken tsinte jorijaens alse mathijs willems zoen peter thaems zoen claes kantert ende roel claes zoen ende die ouermans ende bewares vanden ouden gasthuyse alse jan heinen zoen willem sael peter rijck ende dirc hollant ende gelieden vanden zieken ende gasthuyse wegen voirseyt bij consent der rade vander stede dat sij vercoft hebben roel jacob claes zoen elcx een vijftendeel van twe oude gwilhelmus hollantse scilde jairlixe renten totten eweliken pachte wt een scepene brieue van vier oude gwilhelmus hollantse scilde jairlixe renten totten eweliken pachte staende vpten erue dat coman jacob plach toe te behoeren vptie kerczijde gelegen dair naist bij geerft sijn jan claes zoen persijn an die zuutzijde ende jan deyman an die noirtzijde in allen schijn die proper pachtbrief inhout wt welke pachtbrief die bewares vanden zieken ende vanden gasthuyse voirnoemt den voirseyden roel jacob claes zoen elcx een vijftendeel van twe oude gwilhelmus scilden jairlixe renten voirnoemt dair af vpdrogen quijtschouden ende ouergauen Ende sij gelieden dair af voldaen te wesen den lesten pennync mitten eersten
</begin>
<main>
jn oirconde desen brieue besegelt mit onsen segelen gegeuen vpten drie ende twijntichsten dach in junio jnt jaere ons heren dusent vierhondert vier ende vijftich
</end>