Compilatiecorpus Historisch Nederlands 1.0 (CHN): ambtelijke teksten 1250-1800: amsterdam_1455_3

<begin>
Wij lambert mylinc ende willem bruyn scepene in Amstelredamme oirconden ende kennen
</begin>
<main>
dat voir ons quam heinric lubberts zoen ende geliede dat hij gepacht heeft tegens jacob pillen zoen allerts zoen ende jan allerts zoen gebroderen twe n[eg]endelen vanden erue gelegen in die kercstrate dair naist bij geerft sijn willem die cuper an die noirtzijde ende goedeuairt die schomaker an die zuutzijde streckende vander haluer strate tot an willem die cupers after erue toe jn allen schijn alst dair gelegen is Totten eweliken pachte jairlixe om anderhalue guede goudene gwilhelmus hollantse scilden lest tdordrecht geslegen jof payment also goet Te betalen dese voirseyde pachte alle jaere die een helfte tot meye ende die ander helfte tot heiligemisse vryes gelts ende sonder enich afbrec Ende mids dese voirseyde pachte so sullen die twe negendelen vanden erue voirscreuen vry wesen van allen anderen ouden brieuen pachte ende renten die dair vp staen mogen
</begin>
<main>
jn oirconde desen brieue besegelt mit onsen segelen gegeuen vpten sesten dach in augusto jnt jaere ons heren dusent vierhondert vijf ende vijftich
</end>