Compilatiecorpus Historisch Nederlands 1.0 (CHN): ambtelijke teksten 1250-1800: amsterdam_1457_1

<begin>
Wij ijsbrant moeyert ende albert otten zoen scepene in Amstelredamme oirconden ende kennen
</begin>
<main>
dat voir ons quam claes van veen ende geliede sculdich te wesene jan lucyen zoen vier ende enen haluen guede goudene gwilhelmus hollantse scilde lest tdordrecht geslegen jof payment also goet jairlixe renten totten eweliken pachte staende vpten huyse ende erue gelegen in die wijntmolenzijde dair naist bij geerft sijn coppert snyders weduwe an die noirtzijde ende claes mertijns zoen an die zuutzijde In allen schijn alst dair van outs gelegen is Te betalen dese voirseide pachte alle jare deen helfte tot heiligemisse ende dander helfte tot meye vryes gelts ende sonder enich affbrec Voirt so gelouede claes van veen voirnoemt den voirseiden jan lucyen zoen tvoirseide huys ende erue vry te waren jair ende dach alsmen huyse ende erue is scoudich te waeren ende alle oude brieuen af te nemen wtgeseit des heren tynse
</begin>
<main>
In oirconde desen brieue besegelt mit onsen segelen gegeuen vpten lesten dach in julio jnt jare ons heren dusent vierhondert seuen ende vijftich
</end>