Compilatiecorpus Historisch Nederlands 1.0 (CHN): ambtelijke teksten 1250-1800: antwerpen_1306_2

<begin>
Wi Jan vanden werue ende Symon sprong scepenen in andwerpen maken kond allen den ghenen die dese lettren zullen zien ochte horen lesen
</begin>
<main>
dat voor ons comen es in propren persone maes die backere ende verliede dat hi sculdech ware den godshuse van Sente bernaerds van der hofstad die leeght inde coeportstrate tusschen zeghers kersemakers huus ende willem vlas huus vier pond zwarter tornoise Sjaers erfleke ochte die waerde der af in andren paiemente Te gheldene telken sente steuens daghe inde karsdaghe
</main>
<end>
Jn orkondscepen van desen dinghen zo hebben wi onze zeghele ghehanghen an dese lettren Die waren ghegheuen int jaer ons heren als men screef M ccc ende zesse tsaterdaeghs voor onzer vrouwen dagh na den ouste
</end>