Compilatiecorpus Historisch Nederlands 1.0 (CHN): ambtelijke teksten 1250-1800: antwerpen_1310_1

<begin>
Wi arnout van der molen ende willem van der borch scepenen in antwerpen maken cont alle den ghenen die dese lettre zelen zien ende horen lesen
</begin>
<main>
dat vore ons comen es in propre persone jan van heembeke wouters bruder van heembeke ende verlide ende bekende dat hi ende woutre voerseit ende enghebrecht hore bruder alsoe ghesaet hebben ende ghedeelt onderlinge alse van den guede dat hon verscenen was van ver katelinen die bartolomeus cautinans wijf was in maniren dat woutre voerseit heeft ende hebben zal te sinen deele hi ende sine nacomelinghe die woninghe met allen met den gronde ende met den cinse alsoe alse gheleghen es ane die merct tote antwerpen tuschen tue huse daer dene af gheheten es die rose ende dandre die lelie ute gaende van der merct tote der potterstraten toe op welke woninghe gront ende cins ende al dat daer toe behort jan vorseit heeft verteghen ende quite ghescouden alsoe alst recht was te wouters boef voreghenomt
</main>
<end>
In orconscepe van desen dinghe hebwi dese lettre beseghelt met onzen zeglen Ghegheven int jaer ons Heren m ccc ende tiene op sinte baven dach
<end>