Compilatiecorpus Historisch Nederlands 1.0 (CHN): ambtelijke teksten 1250-1800: antwerpen_1383_1

<begin>
DESE ORDINANCHIE WAS GHEMAECT INT JAER MCCCLXXXIII X DAGHE IN APRILLE BI DEN SCOUTETE ENDE SCEPENEN
</begin>
<main>
Dat soe wanneer eenighen coeplieden eenich goed comt ane den werf ofte eldere te watere dat sij op ghedaen willen hebben dat sij dat selen moghen doen werken wien dat sij willen Ende dat niemene in hare scepe gaen en sal omme dat goed op te slane ofte sijn hant ane tgoet doen omme dat te werkene sonder oorlof ende beheet van den coeplieden oft van haren weerden ende hieromme en sal niemant dobbelen oft loten Wie hier ieghen dade ende ment beuonde metter waerheyt dat de ghene diet dade verboren soude twintich scellinghe grote vlems deene helft sheeren behouf ende dander helft ter stat behouf alsoe menich werf alst gesciede
</end>