Compilatiecorpus Historisch Nederlands 1.0 (CHN): ambtelijke teksten 1250-1800: breda_1330_1

<begin>
Wy Robrecht Jans sone en Henric Moy scepene in Breda maken cont
</begin>
<main>
dat voer ons syn comen Jan van der Bye en Gielis syn broeder ende hebben bekent dat si hebben ghegheven van hem en van haren nacomelinghen den proist der nonnen van Breda van der ordenen van Premonstreit enen wech dor haer goet dat gheleghen is bi der Bie te vaerne en te keerne van sgodshuse woninghe die al daer gheleghen is met [ghesamelten] [quite] als so dicke ende al so vele alssys te doen hebben sullen sonder enich weder segghen erfleke ende ewelike houden ende hebben op vj denier groter tornoysen sjaers [op] die waerde daer af jaerlics op sinte Baven dach te gheldene en al so dat godshuus een veken houden sal tusghen haer goet en der broeders goet voirgenoemd omme alle scade mede te ver hoedene
</main>
<end>
In orconden deser dinghen hebben wi onse zeghele hier ane ghehanghen Ghegheven int jaer ons Heren dusent drie hondert ende dertich op sente Michiels daghe
</end>