Compilatiecorpus Historisch Nederlands 1.0 (CHN): ambtelijke teksten 1250-1800: breda_1338_1

<begin>
Wi Claus van Oekele ende jan van hosenhout scepene in Breda orconden med desen brieue
</begin>
<main>
dat voer ons quam jan die hollander ende nam tot enen gherechten erfsise van beatrisen van hertele der beghinen die daer ieghenweerden was med horen gherechten mombore die hoer daer [] med vonnisse ende med rechte ghegheuen was twe houe ligghende in dierulle bi den ghasthuse ende een stuc lants daer after ligghende daer Claus van Oekele derdendeel in heeft [] g[h] [b]uers gheet ende dien wech die vander [r]ulle ghaet om twe scellinc ouder groter tornoyse van tsconinx monte van vrankerike alle jare op sinte bauen dach te betaelne ende om een lope[n] roghs tsiaers den heyleghen gheest ende twelf miten der kerken ende ses miten den ghasthuse welker te voren op stonden voer dese versisinghe ende niet meer
</main>
<end>
jn kennissen der wareyt hebben wi desen brief beseghelt med onsen seghelen jnt jaer ons heren dusentech driehondert dertech ende achte vijftien daghe binnen september
</end>