Compilatiecorpus Historisch Nederlands 1.0 (CHN): ambtelijke teksten 1250-1800: breda_1340_1

<begin>
Wi Willem van Wechehelle en Jan van Hosenhout scepenne in Breda orconden ende kinnen med desen brieve
</begin>
<main>
dat voer ons quam Ide Swertvaghers ende verste med Peteren den Swertvagher haren mombore die haer daer toe ghegheven was med enen vonnisse Robbrechte Jans sone van Hosedinne also als vonnisse wisede ende recht was in achte grote tornoyse tsjaers vans coninx moente van Vrancrike ons goed en gave of die werde daer ieghen op haer huus ende op haer hof daer si nu in woent dat gheleghen is in die gasthuus strate tusscen thuus ende erve daer Ghibeken Boc nu in woent op dene side ende Beatrise Reyswinden op dander side te ghelden altoes op kersavonde
</main>
<end>
In kinnissen der waerheit es dese brief bezeghelt med onsen zeghellen Ghegheven int jaer ons Heren M CCC ende virtech in sente Peters daghe die gheleghen is in spoerkelle
</end>