Compilatiecorpus Historisch Nederlands 1.0 (CHN): ambtelijke teksten 1250-1800: breda_1391_1

<begin>
Wy scepen gezwoerne ende ghemeyn poirte van Breda orconden ende kennen
</begin>
<main>
want tghemeyn convent van den nonnen te Breda enen wagenwech plaghen te hebben langs die veste an die west side vande gasthuyse die wi hem verleeght hebben ende bewyst erflyc te ghebruken an dander side omme an die oest side vanden gasthuyse welken voirscreven wech wi hem gheloeft hebbe hebbe aldaer ende gheloven te vryen en te waren tallen daghen soe hebben wy hem dair af te rastore ghedaen ende erflyc quyt ghegheven derthien oude grote die si der poirten jairlicx plaghen te ghelden van Buters hoec voir alsulc scade ende hinder als wy hem dair ane ghedaen moghen hebbe
</main>
<end>
In ghetughenisse der wairheyt hebben wy scepen ghezworene ende ghemeyn poirte van Breda oirscreven dese brief bezeghelt met onse ghemeynen poirt zeghle int jair ons Heren M CCC een ende neghentich zeven daghe in September
</end>