Compilatiecorpus Historisch Nederlands 1.0 (CHN): ambtelijke teksten 1250-1800: brugge_1263_1

<begin>
Min here woutre van catsant ende mon sot ende hughe storm f domini alards ende hughe soen ende diederic f storms ende hughe f willards ende woutre f daens & gillis f heins & tierin de score & woutre de catsant & johan van kleihem scepen van den vrien doen te verstane ollen den gonen die dese lettren sullen horen ende sien
</begin>
<main>
dat cam vor ons leden Riquard van sedelghem ende bouden sin broeder gillis kinder van zedelghem ende vercohten daniele van der anghele portre in brugghe iiii himete lants lictelic min jof me dit lant leghet int ambocht van suenkerca suidwest van dar hare vader wonde ende dat lant hetet coppins stic ende stic dat dar naest leghet ende dit vorseide lant ghelt van enen jarhitide ii sol ter does jars ende dit lant so hebben si hem ghewet wel ende wettelike teghewarne met ol sulker sculd olsere vp staed ols met desen jj sol jars ende hene of so hebben si hem ghegheven wettelike ghifte
</main>
<end>
ende vor dese wet dit was ghedaen saterdaghes vor grote vastenawnt jnt jar ons heren ols men scrift sin incarnasion mcclx tercio
</end>