Compilatiecorpus Historisch Nederlands 1.0 (CHN): ambtelijke teksten 1250-1800: brugge_1263_4

<begin>
Min here woutre van caedsant ende min here willem steenwardre & hughe soen ende domaes hont ende johan van kleihem & moen sot & hughe storm f domini alards & diederic van rasuwale & johan die brune scepen van den vrien doen te verstane ollen den gonen die dese lettren sullen horen ende sien
</main>
<end>
dat cam vor ons leden boudene f gillis van zedelghem ende gaf vp daniele van der anghele iiii himete lants ende iiii Roeden die legghen int ambocht van suenkerca dat hetet ten torre ende hie heuet ghewet wel ende wettelike te ghewarne ende te weghene ende met ol sulker sculd ols der vp staet
</main>
<end>
dese ghifte was ghedaen saterdaghes vor sinte marien maddalenen daghe jnt jar ons heren ols men scrift sin incarnasion mcclxiij
</end>