Compilatiecorpus Historisch Nederlands 1.0 (CHN): ambtelijke teksten 1250-1800: brugge_1264_1

<begin>
Moene zot storem cher alards soene Ende diederic f storems vrie scepen van den bruxen ambochte wi doen te verstane hem allen die dese litteren sullen lesen ende horen
</begin>
<main>
dat kam vor hons harsdangs ende harswillen ende onbeduonghen verghertrud heinemans wedue ende dat soe quitescalth ende harehalmede die bilevinghe die soe hilt van haren man jeghen hare kinder jn tue jmete lants lichteliich meer jof min die lichghen binder prochie van der niewerkerken inde Groede wilke lant hetet heinemans hofstede ande wilke hofstede hebben die timpellaers lichghende lant of osthalf daer an ende ande nortzide loeph een waterghanch ende of west half ende of zuethalf heuet die selue gertrued lant ende dit scalsoe quite Ende almetshare tarre kinder boeves vort doen wi teuerstate dat heineman bela dar Gertruden kinder ende pouwel der belen man kamen voer ons & gaven dat selue lant hughemanne vergertruden soene up Ende almetshem lieden dats hughemans behoef voer hons nader wet vanden lande ende ghauen hem up dat lant over quite lant ende vrilant up ende of tevaerne ende sinen wille mede tedoene
</main>
<end>
Ende omdat dat dese dinch vast soude blieuen ende jstade so seghelden wi dese littren mit onsen seghele dit was ydaen wondsdaghes voer jnghanghende oest jnt jaer ons heren almen scrivet sin jncarnasioen mcclxiiii
</end>