Compilatiecorpus Historisch Nederlands 1.0 (CHN): ambtelijke teksten 1250-1800: brugge_1267_1

<begin>
</begin>
<main>
Clais f johannis ballings & heylsota sijn wijf vercochten woutersoete scinkel achte linen lands die licgen in die prochghie van lisseweghe daer die clais vp woent neven dies clais lene of oest alf & gauen dien woutersoeten wettelike ghifte van dien lande & weddent hem te warne quite lant & vri lant te vrien heghindoeme Ende die woutersoete gaf weder dien claise & heylsoten sinen wiue dat selue lant omme viue end tuintich sceleghe jarlics tegheldene dien woutersoeten die ene helt te sinte bamesse & die andere helt te medewintre te Erueliken cense & omme een pont was te cope & te verterfnessen Dit kennen scepenen van den vrien dart voren ghedaen was mijn here lambret die hamer ruddra wouter de weuel thiederic f boudens domaes die hont boidin de brokere hugo f willards & hughesoen
</main>
<end>
Dit was ghedaen jnt iaer ons heren als men scrijft siin incarnation m cc lxvii vp den saterdach vore meyedaghe alf marte
</end>