Lijst

Compilatiecorpus Historisch Nederlands 1.0 (CHN): ambtelijke teksten 1250-1800: brugge_1267_6

<begin>
Min here woutreman van ghent ende miin here willem de steenwardre ende heinric van esen ende tierin damhoudre ende jan de goes ende ricuard dining ende jan de brune scepene van den vrien doen te uerstane alle denghoenen die dese lettren sullen horen ende sien
</begin>
<main>
dat quam vor ons lieden weitin dje broetlose ende adelisse siin wif ende gauen vp te wetteliker ghifte mestre oliuire viere imeten lands dat land lecget jn de prochie van clemskerke ende de stede dart land lecghet es gheheten loed ende de vierdalf ghemeten siin gheheten middelschieremeed ende een half ghemet jnde riedmeed an de westside ende dat land so hebben si hem ghewet wel & wettelike te ghewarne vri ende quite ende dar toe wech te leuerne nu comet mester oliuir ende gheuet hem lieden dat land weder teruelike cense omme xl sol jars ende coep ende versteruenesse alse gheuallet om een pont was ende desen cens te gheldene telker sinte martins messe
</main>
<end>
dese ghifte was ghegeuen saterdages vor kersauonde jn sint donaes moenstr dit was jnt jaer ons heren alse men scrift sine incarnatioen m cc lx septimo
</end>