Lijst

Compilatiecorpus Historisch Nederlands 1.0 (CHN): ambtelijke teksten 1250-1800: brugge_1268_9

<begin>
Woubrecht f ser hughes brunen Riquard van der steenkeete Diederic f storms Diederic van rassewale Johan goes moen zot ende hughe f willards schepnen van den vrien doen te verstane hem allen die dese lettren sullen sien ende horen
</begin>
<main>
Dat camen vor ons hanne koeuelera ende adelise siin wiif ende ghauen vp te wetteliker ghifte mestere Oliuiere Drie jmete lants lettel min iof lettel mee dat leeght in die prochhie van Clemskerca nortwest van der kerke int dorp daer antelin in woende i 1/2 imet siin gheheten antelins weerf ent die v linen heeten koeuelards hem ant ost side ent dit lant hebben si gheweed te wette te warne desen mester oliuiere ende weegh der toe te leuerne ende vri lant ende quite lant Vort hebben dese meester Oliuier ende ghertruud siin wiif dit lant dat hier vorseit es ghegheuen terueliken chense desen hannen koeuelera ende adelisen sinen wiue al dit lant omme xxx sol siars ende enen kapoen van xij d Deene heelt van desen chense te gheldene te sinte ians messe ent dandre heelt te sinte bauesmesse ende coep ende versteruenesse alse gheuallet
</main>
<end>
ende omme dat dese dinc bliue ghestade ende sonder kalegne soe hebben wie dese lettren gheseghelt met onsen seghelen Dit was ghedaen int iaer ons heren als men scriift sine incarnatie mcc ende lxviij saterdaghs vore sinte marien maghdalenen auonde
</end>