Compilatiecorpus Historisch Nederlands 1.0 (CHN): ambtelijke teksten 1250-1800: brugge_1269_10

<begin>
Diederic van racewale Lambrecht van zedelghen Gielis filius diederix Clais filius sere hugs Oliuier van haghe Jan de weuel arnoud filius wille Wi scepenen van den vrien doen te wetene hem allen die dese lettren sullen zien & horen
</begin>
<main>
dat jan filius diederijx & adelice sijn wijf camen vor ons ende gauen alm & ghifte ere marien jan clofhamers der ouelaken makighe van iiii 1/2 ghemete lands lichtelic min of lichtelic me licghende in die prochie van zedelghem ten hille besuden den visch viuer lant & wech quite te waerne jeghen elken mensche dit vorseide lant heeft die vorseide marie ghegheuen den vorseiden janne filio diederijx & adelicen sinen wiue omme xli s iaers ten erueliken tchence coep ende versterfnesse dene helt tegheldene van den vorseiden xli s te medewintre & dander helt sente bamesse
</main>
<end>
dit was ghedaen jn alre heleghen daghe jnt jaer ons heren als men scriuet sijn jncarnatioen m cc lx nono ende om dat wi willen dat dese dinc si vast & gestade so hebben wijt bezeghelt met onsen zeghelen
</end>