Compilatiecorpus Historisch Nederlands 1.0 (CHN): ambtelijke teksten 1250-1800: brugge_1269_13

<begin>
</begin>
<main>
wouter van der wijc ende beatrise sijn wijf vercochten der abbedessen ende den susteren van sinte claren bi brucge een ymet lands lichtelijc min of lichtelijc meer dat leecht bin den ambochte van nieumonstre ende binder prochien van nieumonstre dat heet clercs hofstede ende clerx land benord den weghe ende clais vos hofstede om ene seker summe van peneghen die hem te willen es verghouden Ende daer of ghauensi wettelike ghifte voer schepenen van den vrien arnoude brantine den clerc ter abbedessen ende ter sustere behoef die vorseit sijn ende weddent hem te warne vri land ende quite land te vrien eghindome Dit kennen schepenen van den vrien johan van laepscure johan f domini wouters van cadsand boidin f alards wille serwillems soene thirkin f ghiselins hugo tsoen ende willem van den oestende
</main>
<end>
Dit was ydaen int iaer ons heren als men scrijft sijn incarnation m cc lx ix
</end>