Compilatiecorpus Historisch Nederlands 1.0 (CHN): ambtelijke teksten 1250-1800: brugge_1269_3

<begin>
Diederic f storms heinric van hesene domaes hont gielis f diederix hughe soen johan f diederix vos & Diederic van rasewale wie scepene van den vrien doen te wetene allen den goenen die dese lettren sullen sien ende horen
</begin>
<main>
dat gheile goedaels wedewe ende johan hare soene hebben wettelike beset heilsoeten f simoen stenins xxx s tsiaers vp i ghemeite lands dat wilke leghet in die prochie van sconendike & heet nort ende vp die brake ende vp sestendeel van enen boongaerde dar heinric vos woende te gheldene jn tven tiden van den jare dene helt sinte bamesse ende dander helt te medewintre jn helke der jare vort so hebben si dese besettinghe beloeft tewette tewaerne jeghen helken mensche
</main>
<end>
Dit was ghedaen tsaterdaghes vore grote vastenauonde jnt jaer ons heren alsemen scrijft sijn carnatioen mcclx ende achte Ende om dat wie willen dat dese dinc si vast ende ghestade so hebben wiet ghezeghelt met onsen zeghele Ende dese dinc es ghemaect bi rechter vorworde sonder coep ende sonder versteruenesse dint
</end>