Compilatiecorpus Historisch Nederlands 1.0 (CHN): ambtelijke teksten 1250-1800: brugge_1269_4

<begin>
Willem van scepstale Gielis van lake Johan tokel Riquard moenec Willem f Roebins Jacop neelkin Johan van ziesele & pieter f Jacops bakers Wie scepenen vanden zieselschen tien tyden dat dese lettren waren ghemaect doen te wetene alden goenen die dese lettren zullen zien ende horen
</begin>
<main>
Dat Robbrecht van scepstale ende Robbrecht zijn zoene ende woutra zijn zoene ende michiel zijn zoene ende katelina zijn dochter quamen vor ons ende gauen wetteleke ghifte ende halmets hem ende wedden te wette te waerne je[ghen] elken mensche lammine vander scare portra jn brugghe vif linen preter xvij Roeden lants lichtelic min iof lichtelic [me] vri lant Eghin lant ende quite lant metter scult diere vp staet legghende te west scepstale jndie prochya van sint saluatoers int zieselsche anden waterganc te sinen vryen Eghindome
</main>
<end>
Ende omme dat wi vorseide scepenen stonden ouer dese ghifte die te wette vor ons was ghedaen so willen wi dat soe vast si ende wel ghehouden ende hebben dese lettren te kennessen vthanghende ghezeghelt met onsen zeghelen Dit was aldus vor ons te wette ghedaen svrindaghes vor meyedach anno domini m cc lx Nono
</end>