Compilatiecorpus Historisch Nederlands 1.0 (CHN): ambtelijke teksten 1250-1800: brugge_1269_8

<begin>
Min here woutre van gaent & oliuir van der haghe & tierin van score & willem die corte & johan die goes & boudene van scarpinghe & stasin die tolnare & weitin ratgher scepen van den vrien doen te verstane ollen den gonen die dese lettren sullen horen ende sien
</begin>
<main>
dat cam vor ons leden johan loeuin & adelise sin wijf ende gauen vp dien ministren & dien broedren van der triniteid van hontscote zeuentiene himete lants & heen half lichtelic min jof lichtelic me ligghende binne den ambochte van lisseweghe & binne den ambochte van suenkerke & dit lant so hebben si bede hemleden vp ghegheuen hene capelrie mede te makene & hier ouer so stonden wie scepen bi beuelne van der vrouwen van den lande dit was vp ghegheuen in sinte marien hawnde in pietmaent
</main>
<end>
Dit was jnt jar ons heren ols men scrift sin incarnasion mcclx nono
</end>