Compilatiecorpus Historisch Nederlands 1.0 (CHN): ambtelijke teksten 1250-1800: brugge_1270_1

<begin>
mijn here woutra van koekelare ruddre Jhan die grote ser wouters groten zoene Diederic die vos Clais f ser hugs tierin damhoudre heinric van esene Diederic van Rasewale stasin f Reinaers ende jan haket wi scepenen vanden vrien doen te verstane alden goenen die dese lettren zullen zien ende horen
</begin>
<main>
dat quamen vor ons Johan vanden houe magrieta zijn wijf Bouden houelin f jans vanden houe ende vercochten ende gauen wettelike bede alm ende ghifte ende wedden te wette te warne jeghen elken mensche lammine pottine portra jn brugghe iiii 1/2 jmete preter xx Roeden lants lant ende wech vri lant eghin lant ende quite lant te sinen vrien eghindome lichtelic min iof lichtelic me dans vorseit es legghende jndie prochia van dudzele up vria ten lams houe an woutersoete scinkels lant
</main>
<end>
Ende omme dat wi vorseide scepenen stonden ouer dese ghifte so hebwi dese lettren te kennessen vthanghende ghezeghelt met onsen zeghelen Dit was vor ons ghedaen upden stegher vander loue vor sgrauen steen svrindaghes vor cinxe daghe anno Domini m cc lxx
</end>