Compilatiecorpus Historisch Nederlands 1.0 (CHN): ambtelijke teksten 1250-1800: brugge_1270_2

<begin>
Wie mester gielis boniin jhan van alames ende nicoel ostkiin canoneke van sint donaes in brucghe doen thewetenne alden goenen die deze lettren zullen zien & horen
</begin>
<main>
dat Clais f godilde van zantuorde & katerina zijn wijf der kerke laten van sint donaes in brucghe camen voer ons & verlieden voer ons dat zie hadden vercocht wel & wetlike diederike den damhoudra xxx sol vlamesche jaerlikesser renten up v linen lants die heten die bodem & up ii 1/2 line lants die heten doedins belec twilke lant leghet in die prochghie van zantuorde benorden daer miin here woutra van ghend nu wonet ende dat zie hem hadden ghegheuen daer of wettelike ghichte vor scepenne vanden vrien ende die voerseide clais & katerina zijn wiif beloueden ende wedden voer ons alse vore canoneke hir toe gheropen dien vorseiden diederike & sinen oere na hem ouer hem ende ouer hare oer dese voerseide xxx sol jaerlikesser renten the gheldene ewellike elcs jaers die ene held the sinte bamesse ende die andre held the sinte jhans messe in middel zomer ende
</main>
<end>
in orconde vander warede hebben wie deze lettren ghezeglet met onsen zeglen dit was ghedaen int jaer ons heren alsmen scriuet zine incarnation mcclxx tsaterdaghes na sinte pieters daghe ende sinte pouwels der apostle
</end>