Compilatiecorpus Historisch Nederlands 1.0 (CHN): ambtelijke teksten 1250-1800: brugge_1270_3

<begin>
Jhan voet Willem van scepstale Colard van leffinghe Jacop neelkin Willem f Roebins Gielis van lake ende Jhan tokel wi scepenen vanden zieselschen tien stonden dat dese lettren waren ghemaect doen te verstane alden goenen die dese lettren zullen zien ende horen
</begin>
<main>
Dat veis van essen ende Sara zijn wijf quamen vor ons ende vercochten ende gauen te wette bede halm ende Ghifte ende wedden te wette te warne jeghen elken mensche Auesoeten jhans wedewe van Ridderuorde portighe in brugghe een stic lants dat soe zamecoeps cochte vri lant eghin lant ende quite lant tharen vrien Eghindome legghende bachten datmen heet ser zibrechts gasthuze streckende ser Jhan coepmans waerd jndie prochia van sint crues jnt ambocht vanden zieselschen
</main>
<end>
Ende omme dat wi vorseide scepenen stonden ouer dese ghifte so hebben wi dese lettren te kennessen vthanghende ghezeghelt met onsen zeghelen Dit was vor ons ghedaen binder porte vor sboreggrauen capelle sdinxendaghes vor sinte marien magdalenen daghe anno domini m cc lxx
</end>