Compilatiecorpus Historisch Nederlands 1.0 (CHN): ambtelijke teksten 1250-1800: brugge_1270_5

<begin>
Min here wouter van ghent min here boudene die brokerra Rudders wouter die wilde Jehan die goes clais here willemans sone Riquard dining Jehan van cleyhem thiederic vos thiederic van Raessewale boudene van sparpinghe Reinuerd ver godelinden sone gillis diederics sone Jehan van lapscuere Scepenen van den vrien doen te verstane hem allen die dese lettren sullen zien ende horen
</begin>
<main>
Dat quam voer ons leden broeder Gillis coepman die coepman van markette ende brochte vthanghende lettren van der abedessen ende van den couente van markette Dat sie hem macht hadden ghegheuen te wisselne ende wetteleke ghifte te gheuene als van xlii sol siaers Die xpistiaen van den damme scoudiich was der kerken van markette up dertiene ymete lants ligghende in die prochie van zuenkerke Dat wilke lant die voerseide xpistiaen ende celie siin wiif cochten Jeghen Riquarde van zedelghem ende dese vorseide xlii sol syaers so gaf meester hughe die beer deser voerseider kerken van marketten in alemoesenen Dar na so quam broeder Gillis van markette ende gaf wettelike ghifte dien vorseiden xpistiane van den damme ende celien sinen wiue van der kerken aluen van marketten van dien voerseiden xlii sol siaers ende weddet hem als van der kerken aluen te wetten te ghewarne als in Recter wisselinghen Omme ander xlii sol siaers die die voerseide xpistiaen ende celie siin wiif hadden ligghende binnen den amboeste van zuenkerke up vi ymete lants licteliic miin joef licteliic me up die wilke vi ymete lants die voerseide xpistiaen ende celie siin wiif hebben iiij lib siaers goeder vlamsser peneghen arueliker renten Die wilke vi ymete lants Jehan Ghildolf ende kateline siin wiif houdende ziin omme die voerseide iiij lib siaers van dien voerseiden xpistiane ende van celien sinen wiue te arueliken cense Dar na soe quam xpistiaen ende celie siin wiif ende gauen desen voerseiden broder Gillisse van markette wettelike Ghifte te voerseider kerken boef van markette van desen voerseiden iiij lib siaers te hebbene arueleke xlii sol siaers als in recten wissele omme die xlii sol siaers die hier voerseit siin ende sie wedden hem ter kerken boef te wetten te waerne jeghen elken mensghe met wllen cope ende met wlre versteruenesse ende desen chens es me sculdiich te gheldene benamen van desen xlii sol siaers die ene helt te sinte bamesse ende die ander helt te medewintra
</main>
<end>
Ende omme dat wie scepenen stonden ouer dese voerwaerde so willen wie dat dese dinc sie wast ende ghestade Dit was ghedaen jn jaer ons heren scriuet Siin Jncarnation m cc lxx svrindaghes voer sinte matheus daghe
</end>