Compilatiecorpus Historisch Nederlands 1.0 (CHN): ambtelijke teksten 1250-1800: brugge_1270_6

<begin>
Min her Riquard van straten Ruddre Gherard die moor Jhan van Cleyhem Diedric die vos Gillis f Diederics Reinuerd porin en Boudene f alards scepenen van den vrien doen teverstane hem allen die dese letteren sullen zien ende horen
</begin>
<main>
dat quamen vor ons Jhan die vos ende lucie sin wijf Lizebette f lucien ende Jhan f weitins vter meet haer man margriete f lucien ende Lammin f weitins vter meet haer man ende gauen halm ende ghichte wettelike vor ons meester Pietre culine den pape van sint Cruus van tueen jmeten lands lettel min of lettel me dat leght binne der prochie van Dudzele in ene Jeghenode heet die vane ende ghelouedens hem tewette tewarne ieghen elken mensce
</main>
<end>
Jn orecontscepen van desen dinghen hebben wie vorseide scepenen dese lettren vthanghende gheseghelt met onsen zeghelen Dit was vor ons ghedaen jn die burgh als men scrijft ons hern jncarnation mcclxx des vriendaeghs vor sinte lucs dach
</end>