Compilatiecorpus Historisch Nederlands 1.0 (CHN): ambtelijke teksten 1250-1800: brugge_1271_2

<begin>
Tote allen den ghenen die dese lettren sien sullen ende horen
</begin>
<main>
riquard van straten ruddre Johan van cleyhem Oliuier van der haghe heinric van Esene stasin tolnare Johan die Weuel reinuerd porin Weitin ratgher groetinge Wie doen v te wetene dat quamen voer ons gherard moer f boudens ende lisebette sijn wijf ende vercochten den here salomone den caplaen van der nieuwerkerken tve ymete lands die licgen bin den ambochte van oestburgh te boyderwaen onder die singele tusschen hughe arlebouds lande ende ghiselins kinder lande van boyderwaen omme ene zeker summe van peneghen die hem es verghouden ende weddent hem te waerne vri land ende quite land te vrien eghindome ende dat selue land ghaf die here salomon diere vorseid es gherard den moer vorseid terueliken chense omme xx sol elx iaers te gheldene elx jaers te sinte bauesmesse ewelike met enen pont was van cope ende van versterfnessen
</main>
<end>
ende omme dat dit vast si ende ghestade hebben wie onse zeghele ghehangen an dese lettren Dit was ghedaen int iaer ons heren als men scrijft sijn jncarnation MCClxxi in die maent van meye die
</end>