Compilatiecorpus Historisch Nederlands 1.0 (CHN): ambtelijke teksten 1250-1800: brugge_1271_7

<begin>
Mijn here boudene de broekere ruddre Reinuaerd f godelieuen Jan van cleihem boudene van scarpinghe woutre f Serakets willem decorte Hughe strokijn Scepen van den vrien doen te verstane hem allen die dese lettren sullen zien ende horen lesen
</begin>
<main>
Dat vor ons quam sins danx ende sins willen meester jan van hutkerke ende gaf vp na sinen liue jof na dien dat hi hem begaue in ene ordine ter fermerien boef sinte claren bi brugghe xxxvii sol jaers erueliker renten ende vii ymete lants ligghende in die prochihen van vtkerke ende van lisseweghe Ende viue ymete lants ligghende in die prochihe van sinte crus
</main>
<end>
Ende omme dat dese dinc al dus vor ons ghedaen was so hebben wi scepen vorseit onse zeghele in orconscepe ghehanghen an dese lettren Dit was ghedaen jnt jaer ons heren van den jncarnationne m cc lxxi jn pietmaent
</end>