Compilatiecorpus Historisch Nederlands 1.0 (CHN): ambtelijke teksten 1250-1800: brugge_1271_8

<begin>
Woutra die wilde willem tobbin heinric van esene Jhan die weuel Oliuier vander haghe Tierin van score ende willem die corte W[i] scepenen vanden vrien doen te verstane alden goenen die dese lettren zullen zien ende horen
</begin>
<main>
dat quamen vor ons Coppin keiserkin ende magrieta zijn wijf ende vercochten ende gauen wettelike ghifte ende halmets hem ende wedden te wette te warne jeghen elken mensche hannine f noids ij jmete lants lichtelic min iof lichtelic me die hofstede daer si vp woenen vri lant eghin lant ende quite lant te sinen vrien eghindome legghende bede jndie prochia ende int ambocht van ghistelle upt vria up meester willemans gracht Ende dese vorseide hannin f noids heft hem weder ghegheuen dit vorseide lant terueliken cense omme x s ende enen capoen siaers van elken jmete te gheldene sint jhans messe ende sinte bamesse telken termine dene helt van den cense ende die capoene telken sinte bamesse Ende coep ende versterefnesse met ghehelen cense van enen jare Ende aldus zijn si worden des hannins f noids eruelike censers
</main>
<end>
Ende omme dat wi vorseide scepenen stonden ouer dese ghifte ende ouer desen erueliken cens so hebben wi dese lettren te kennessen vthanghende ghezeghelt met onsen zeghelen Dit was vor ons ghedaen jnt iaer alsmen scrift van ons heren jncarnatioene mcclxx ende een saterdaghes na sinte martins daghe
</end>