Compilatiecorpus Historisch Nederlands 1.0 (CHN): ambtelijke teksten 1250-1800: brugge_1272_10

<begin>
Die here riquard van straten ruddra bouden van scarpinge hughe strokin riquard dininc jhan weuel bouden dyserine ende weitin ratgher schepenen van den vrien doen te verstane allen den ghonen die dese letteren sullen sien ende horen
</begin>
<main>
dat quamen vor ons bertild f lourins auesoete f lourins ende marie f lourins ende ghauen vp wettelike broeder lambrachte van sinte claren ter abdessen ende ter sustere behoef van sinte claren bi brucge tve ymete lands zeuenendetvintich roeden min liggende in die prochie van houtawe ende anderhalf ymet lands ende xxvij roeden licgende in die prochie van stalhille in alemosenen ende halmets hem ende weddent hem te warne vri land ende quite land te vrien eghindome
</main>
<end>
Ende om dat wie scepenen vorseit stonden ouer dese ghifte so hebben wie dese letteren ghezeghelt met onsen zeghelen in kennessen Dit was ydaen int iaer ons heren als men scrijft sijn incarnation mcclxx secundo in die maent van meye
</end>