Compilatiecorpus Historisch Nederlands 1.0 (CHN): ambtelijke teksten 1250-1800: brugge_1272_3

<begin>
Tote al den ghenen die dese lettren sullen zien ende horen
</begin>
<main>
Reiuard f vrowe ghodelinde willem van den ostende domaes hont Riquard dining johan weuel wouter scer akets sone willem corte scepen van brugambocht saluit jn onsen here vie doen jou allen tewetene dat vor ons camen die brodere van sente johans huse van brughe ende scouden quite ens crainics hofstede met iiii m lands lichtlic min jof me enen weitin balfel dar bi sin huis tat hemlieden ghalt xl s jars ende die weitin balfel ende sin wif joncfrowe xristine die ghauen vp hemlieden van sente johans huse wettelike ghifte van enen stic lands van iiii m lichtlic min jof me vor onslieden dat het bouten dic binder prochien van oudenburg ende dar es landimerke ofsuithalf en bouden clepel ende ofnorthalf en hanne ripap ende das cam die vorengheseide weitin balfel ende joncfrowe xristine sin wif ende ontfingent wedere van hemliede van sente johans huse te erueliken scense omme xl s jars die ene helt te sente johans messe en tandre helt te sente bauesmesse met xx s ten cope en teuersteruenessen
</main>
<end>
ende omme dat dese dinc vor ons was ghedaen so hebben wiet gheseghelt met onsen segheln omme de merre zekerede ende vastnesse dit was ghedaen alsemen scriuet carnation onshere m cc lxxi jar scaterdags vor sente valentins daghe jnt rathuis vor den stegher alsmen ghat jn die camere
</end>