Compilatiecorpus Historisch Nederlands 1.0 (CHN): ambtelijke teksten 1250-1800: brugge_1272_4

<begin>
Mijn here riquard van straten riddre willem van oestende stasin f reinars thiedric die vos boudene yserine jhan die grote ende gilis f thiedrics schepenen vanden vrien Doen te verstane alden goenen die dese lettren sullen horen ende zien
</begin>
<main>
Dat Cam vore Ons lammekin f kaens Ende Catelina sijn wijf ende gauen te wetliker ghifte boudenen f rics vive jmete lands lichtlic min jof me ligghende jn dudsele ambocht te catheem benorde margrieta wouters boemgarde of westhalf ende of northalf mester simoens arsaters lande Ende si wedden hem dat lant te wetten te ghewarne wech ende lant ende quite lant met siere rechter scoud te sinen vrien eghinedoeme jeghen elken mensche
</main>
<end>
ende Omme dat dit wetlike vore ons ghedaen was Ende Omme dat wie willen dat dese dinc si vast ende ghestade so hebben wi dese lettren gheseghelt te kennessen met onsen seghelen vthanghende Dit was ghedaen saterdaghes naest sinte amands ende sinte vedast daghe jnt jaer ons heren alseme scriuet deincarnation m cc Lxx primo
</end>