Compilatiecorpus Historisch Nederlands 1.0 (CHN): ambtelijke teksten 1250-1800: brugge_1272_7

<begin>
dominus boidin reifin dominus riquardus de straten walterus wilde johannes grote reinuard porin diedericus vos willelmus corte MJn here boidin reyfin min here riquard van straten rudders wouter die wilde jhan die grote reinuard porin Diederic die vos Ende willem die corte wi vrie scepenen van brugambocht doen te verstane hem allen die dese lettren sullen zien ende horen lesen
</begin>
<main>
dat quamen vor ons hars danx ende hars willen riquard f vrousine ende berteline sin wijf ende gauen wettelike ghifte jhanne f weite kasekins van viue linen ende dartiene roeden ende en sesten deel roeden lands lettel min of lettel meer ligghende inde prochie van dudsele boester kerken ende benorden oude herebords hofstede dari woende ende deelt ieghen dis vorseide riquards stiefkinder ende diere bertelinen kinder lant ende si vorseide riquard ende berteline halmden hem dies lands ende ghinghens buten nader wet van den vrien Ende gheloueden hem wech ende lant vrieghin ende quite ende onghe calengiert te wette te w[aer]ne te wllen eghindome ieghen elken mensche
</main>
<end>
Ende om dat wi vorseide scepenen willen dat dese dinc vast bliue ende ghestade so hebben wi dese lettren gheseghelt met onsen seghelen Dit was ghedaen inde camere onder die loue biden raethuse saterdaghe vore vastenauent Jnt iaer ons heren alse men screef sin incarnatioen m cc lxxi
</end>