Compilatiecorpus Historisch Nederlands 1.0 (CHN): ambtelijke teksten 1250-1800: brugge_1273_10

<begin>
min here riquard van straten dere bouden broeker rudders reinvard f vergodeleuen dideric vos wouter wilde jan van poele Oliuir van der haghe ende bouden van scarpinc wi scepenen van den vrien orconden ende doen teuerstane allen den goenen die dese lettren sullen sien ende horen lesen
</begin>
<main>
dat cam vor ons margarieta heinrix monex sustre ende gaf wettelike ghifte janne van der matte van ere hofstede die leghet in die prochghie van varsenare ende van huse ende van bome die vp dat lant staen ende dat lant hetet monin costers hofstede ende noch gaf soe hem wettelike ghifte van ene halue line lands lichtelic min of lichtelic me lighende in die prochghie van varsenare benorthalf heinric pinsards hofstede ende hetet heinoets lant ende soe weddet hem tewette tewarne wech ende lant ende quite lant met xviij d sculden tsiars ende tesinen vrien eghindome
</main>
<end>
ende om dat wi schepenen dit kennen ende wi willen dat dit vast bliue ende ghestade so hebben wi an dese lettren gheanghen honsen zeghellen dit was ghedaen vor ons des vriendaghes vore sinte marien daghe magdalenen jnt iaer ons heren als me scriift siin incarnation m cc lxx tercio jn hoimaent
</end>