Compilatiecorpus Historisch Nederlands 1.0 (CHN): ambtelijke teksten 1250-1800: brugge_1273_11

<begin>
Min here boudene de broekere woutre filius domini akets diederic de vos jhan aket hughe strokin tierin van score lambrecht van zedelgheem wie scepene van den vrien doen te verstane ollen den ghuenen die dese lettren sullen horen lesen ende zien
</begin>
<main>
dat cam vor ons willard filius willards ende marie sin wijf ende adelise dis vorseits willards suster ende ghauen wettelike ghifte jhanne den roden filius robsoets roden van viii linen lands lichtelijc min jof me ligghende in uterste van der prohie van varsenare te houtawe waerd ende dit vri landt ende quite landt ende dit landt es gheeten die hofstede & twerf ende broecsin ende sie hebbent ghewet desen vorseden jhanne den roden te wette te ghewaerne jeghen helken mensce ende vort so cam dese vorseide jhan die rode ende marie sin wijf ende ghauen dit vorseide landt desen vorseiden willaerde filius willards te heruenliken scense omme xx s vlaemsce helkes jaers te gheldene dene helt telker sinte jhans messe ende dander helt telker sinte baefs messe met fullen cope ende met fulre verstervenesse
</main>
<end>
dit was ghedaen int raethuus sinte simons & sinte juuts daghe jn iaer ons heren ols men scrijft sin incarnacion m cc lxxiii
</end>