Compilatiecorpus Historisch Nederlands 1.0 (CHN): ambtelijke teksten 1250-1800: brugge_1273_12

<begin>
Wie riquard van straten bouden die broeker dideric dammoudra rudders woutra die wilde ian van kleyhem reinvard f vergodeleuen willem die corte ende willem die scoetete Scepen van den vrien doen teuerstane allen den goenen die dese lettren sullen zien ende horen lesen
</begin>
<main>
Dat vore ons cam Gerard crocke ende gaf vp tewetteliker ghifte woutren crocke ses ymete lands ende ene line lands lichtelic min of lichtelic mer lighende int ambocht van straten ende hetet hoghestic ende dat ander datter toe behort tote sesse ymete ende ene line lettel me of min ende hie weddet hem tewette tewarne wech ende lant eghin lant ende quite lant met sire rechter scult ende tesinen vrieneghindome
</main>
<end>
ende om dat wie scepen willen dat dit vast bliue ende ghestade soe hebben wie ter kennessen van deser dinc dese lettren beseghelt met onse zeghellen dit was ghedaen in sinte symons & jude daghe int iar ons heren als me scriift ziin incarnation M CC lxx tercio
</end>