Compilatiecorpus Historisch Nederlands 1.0 (CHN): ambtelijke teksten 1250-1800: brugge_1273_13

<begin>
Boidin f alaerds lambert van zedelghem ihan de weuel jan hecket ende woutre ser heckets f scepenen van den vrien doen te verstane alle den ghuenen die dese lettren sullen sien ende horen lesen
</begin>
<main>
dat cam vor ons jhan vander couderburgh ende gaf vp wetteleke mester henrike canonec van sinte marien te brugghe al sijn goed dat hie heuet binden ambochte ende binder prochie van zedelghem ende van artreke aue ende lant dat ter couderburgh toe beort dese herste drie iaer die nui comen te notene ende te plotene ende al die vrome te nemene diere of coimt ouer c lb goeder vlaimscer peneghe bi also war dat sake dat mester heinrike vorseit tenden dien vorseiden drien iaren vandien vorseiden c lb hiet ghebrake an dat goed dat jhans lijf vander couderburgh vorseit ware ghehouden van also uelen
</main>
<end>
Dit was ghe daen dincsedaghe vor sinte nichasis daghe int iaer ons heren als men scrijft den carnation M CC Lxxiij niclais
</end>