Compilatiecorpus Historisch Nederlands 1.0 (CHN): ambtelijke teksten 1250-1800: brugge_1273_2

<begin>
Willem tobbin ende jan aket ende hughe strokin f diederichs doen te verstane ollen den ghuenen die dese lettren sullen horen lesen ende zien
</begin>
<main>
dat cam voer ons heinric die vroede ende magriete sin wjjf ende ghauen annen f lambrechts van weindunen vi 1/2 jmete lants lichtelijc min jof me liggende binder proechie van bredine te herveliken tsenze omme iii lb vlaemscer peneneghe met fullen coepe ende met fulre versteervenesse ende desen voerseden tscens te gheldene dene helt telker Sinte jans messe ende dander helt telker Sinte baefs messe
</main>
<end>
ende omme dat wie willen dat dese dinc si vaste ende ghestade so hebben wj dese lettren gheseghelt met onsen seghlen dit was ghedaen jn raethuus sinte vincensis auonde jn iaer ons heren ols men scrijeft sin incarnacion m cc lxxii
</end>