Compilatiecorpus Historisch Nederlands 1.0 (CHN): ambtelijke teksten 1250-1800: brugge_1273_7

<begin>
Min here boudene reifin rudder reinvaerd filius ghodelieuen wouter scherakets soene willem tobbin diederic de vos reinvard porin stasin tolnare willem de corte wie scepene van den vrien doen [te] verstane ollen den ghuenen die dese lettren sullen horen lesen ende zien
</begin>
<main>
dat cam vor ons pieter filius verlinen ende verghine sin wijf ende ghauen wethelike ghifte wetine filius jhans iiii jmete lants lichtelijc min jof meer ligghende binder prochie van bredene dit vri lant ende heghin lant ende quite lant ende hebbent ghewet te wette te ghewaerne jeghen helken mensce ende dit lant es gheheten boendijc ende huusmaet ende carstiaens filius reifs hofstede ende dese vorsede wetin filius jhans ghaf desen vorseden pietere filius verlinen ende verghinen sinen wiue dese vorsede iiii imete lants te herueliken scense met vullen cope ende met vulre versteruenesse omme xxvii s vlaemsce helkes jaers te gheldene dene helt telker sinte jhans messe ende dander helt telker sinte baefs messe
</main>
<end>
dit was ghedaen in raethus stcaderdaechs na sincsen daghe in jaer ons heren ols men scrijf sin incarnacion m cc lxxiii bredine
</end>