Compilatiecorpus Historisch Nederlands 1.0 (CHN): ambtelijke teksten 1250-1800: brugge_1274_13

<begin>
min here riquard van straten min here roegier van ghistele rudders reinverd f godelieuen wouter die wilde diederic die vos diederic van score reinverd porin ende Oliuier van der haghe wie schepenen van den vrien doen te verstane allen den goenen die dese lettren sullen sien ende horen lesen
</begin>
<main>
dat cam vor ons trise weitins wedewe f hughelins ende gaf wettelike ghijfte willemme alaerdine te vertruden boef ser niclays moeder f truden capellaens van sinte donaes jn brugghe van tuen linen lands ende daertich roeden lands lichtelic min jof me ligghende binnen den ambochte van ostkerke jn die prochie van coolkerca bi westpitte Vort so wedde die vorseide trise dier vorseider vertruden al dat vorseide land weg ende land eghin land ende quite land te wetten te waerne te haren vrien Eghindome
</main>
<end>
ende omme dat wie vorseide scepenen willen dat dese dinc bliue vast ende ghestade so ebben wie dese lettren gheseghelt met onsen seghellen vtanghende Dese ghijfte was ghedaen tsaterdaghes na daertien daghe van medewinter jnt jaer ons heren als menscrijft siin incarnation m cc lxx tercio
</end>